පසුබිම
මානව ශිෂ්ටාචාරයේ ආරම්භයත් සමඟ සීමිත අවශ්‍යතාවයන් සපුරා ගැනීමට ආදි මානවයෝ පෙළඹුණහ.දඩයම් යුගය,ගල් යුගය,එඩේර යුගය,ගොවි යුගය යනුවෙන් මානව ශිෂ්ටාචාරයේ යුග විකාශනය වෙමින් සීමිත අවශ්‍යතා ක්‍රමයෙන් සංකීර්ණ වූ සමාජ රටාවක් ගංඟා නිම්න ශිෂ්ටාචාර ආශ්‍රිතව බිහිවිය.මිනිසාගේ දෛනික අවශ්‍යතා සපුරාගනු වස් විවිධ යුග වලදී මිනිසා විසින් විවිධ ආයුධ උපකරණ සොබාදහම ඇසුරෙන් මූලිකව සකස් කර ගන්නා ලදී.මෙම ප්‍රාථමික ආයුධ,උපකරන නුතන ශිල්පීන්හි ප්‍රාථමික අවශ්‍යතාව වශයෙන් පර්යේෂකයෝ පෙන්වා දෙති.ලොව විවිධ රට වලින් ඒ ඒ යුග වලදී මිනිසා භාවිතා කරන ලද ප්‍රාථමික ආයුධ උපකරණ කැණීම් මඟින් සොයා ගෙන තිබේ. පාරම්පරික කලා ශිල්පයන්හි ප්‍රභවය ලොව ඕනැම රටක මෙලෙස විකාශනය විය.
ශ්‍රී ලංකාවට ද මෙම කලා ශිල්පයන්හි මෙලෙසම සධාරණය විය.මෙලෙස විකාශනය වු පරම්පරික කලා ශිල්ප අතරින් පිත්තල කර්මාන්තය ආශ්‍රිත ශ්‍රී ලාංකේය ජන සංස්කෘතික පසුබිම පිළිබඳව උඩුනුවර ප්‍රාදේශීය ලේකම් කොට්ඨාසය ඇසුරෙන් අධ්‍යනය කිරීමකි.
ශ්‍රී ලංකාවේ ඓතිහාසික යුග පිළිබඳ විමසිලිමත් දෑසින් බැලුවහොත්, අනුරාධපුර යුගයේ සිට කන්ද උඩරට මහනුවර යුගය දක්වා ම විවිධ මුලාශ්‍ර වලින් කරන ලද කැටයම් කලාව අනුක්‍රමයෙන් විකාශනය වෙමින් පැවති බවට සාධක දැකගත හැකි වේ. ශ්‍රී ලංකාවේ මුල්ම ජන පදිකයන් ලෙස සැලකෙන ආර්යයන් තුළ පවා යකඩ භාවිතය පිළිබඳ දැනුම පැවති බවට ඓතිහාසික මූලාශ්‍ර වල දැක්වෙන "අයෝ", "අයස්" යන පද සාක්ෂි දරයි. ආර්යයන් කෘෂි කර්මාන්තයට හුරු වීමත් සමඟ නඟුල, කැත්ත, උදැල්ල ආදී උපකරණ සකස් කර ගත් බව දක්නට ලැබේ. බෞද්ධාගම මෙරටට හදුන්වා දීමෙන් පසුව එනම් ක්‍රි.පූ.06 වන ශත වර්ෂයට පසුව සංඝමිත්තා තෙරණිය සමඟ භාරතයෙන් පැමිණි ශිල්ප ශ්‍රේණි දහ අටක කණ්ඩායම ශ්‍රී ලංකාවේ විවිධ ප්‍රදේශ වල ව්‍යාප්ත විමත් සමඟ යකඩ හා වානේ සම්බන්ධ කර්මාන්ත ද ශීඝ්‍ර ලෙස වර්ධනය විය. එමෙන්ම එම කර්මාන්තයෙහි නිර්මාණාත්මක බව හා සූක්‍ෂ්ම බව ද ක්‍රමයෙන් වර්ධනය විය. ඒ අනුව යකඩ උණු කිරීම හා වානේ සකස් කිරීම අතීත කාලයේ සිටම ශ්‍රී ලංකාවේ සිදු කළ බවට සාධක ස්ථාන රැසක සිදු කළ පුරා විද්‍යාත්මක කැනීම් වලින් සොයා ගෙන තිබේ. අභයගිරි කැනීම් වලදී ලෝකුරු කම්හලක නටඹුන් හමුවී ඇති අතර ලෝකඩ වලින් කරන ලද කාසි ද හමුවී ඇත. එසේම බලංගොඩ නුදුරු ගම්වල සහ නුවර දිස්ත්‍රීක්කයේ ද යකඩ හා වානේ කර්මාන්තය පදනම් වූ භාණ්ඩ නිෂ්පාදනය සිදු කර ඇත. කොත්මලේ යකඩ සඳහා ද කිරිවවුල (උඩුනුවර) පිත්තල භාණ්ඩ සඳහා ද ප්‍රසිද්ධියට පත්ව තිබීමෙන් ඒ බව සනාථ වේ. ප්‍රමාණාත්මකව ගත් කළ මෙම භාණ්ඩ නිෂ්පාදනය ඉතා අල්ප වුව ද ඒවා තත්ත්වයෙන් උසස් ඉතා විශිෂ්ට නිර්මාණයන් විය.
No comments:
Post a Comment